historia jonë

Kompania “Tona Co” sh.p.k. është një kompani me aktivitet përpunimin e mishit që ndodhet në qytetin e Korçës. Ajo ka filluar aktivitetin e saj në vitin 1992, në vitet e para të ekonomisë së tregut të lirë. Si rrjedhojë, në 1998 u mundësua të investohej në ndërtimin e një fabrike moderne në qytetin e Korçës me hapësirë 2,800 m2, investim i cili shpejt dha frutet e tij. Investimet tona në vite u shoqëruan me një marketing intensiv duke synuar rritje graduale të tregjeve brenda Shqipërisë.

Produktet “Tona” janë me cilësi shumë të lartë për të siguruar përmbushjen e nevojave të klientit, të mbështetura nga një shërbim i shkëlqyer që u bëhet atyre. Ndërkohë që “Tona Co” sh.p.k. zhvillohet dhe rritet komuniteti do të vazhdojë të përfitojë nga vlerat e krijuara prej saj. Nga vetëm 3 produkte tradicionale sallamerie të prodhuara para vitit 1998, sot kompania ka zhvilluar gjithsej 80 produkte cilësore.

Që në krijim të saj “Tona Co” sh.p.k. ka përballuar me sukses të gjitha sfidat duke u bërë sot një faktor i rëndësishëm në tregun kombëtar, një aktivitet i filluar në tregun e rajonit të Korçës dhe i zhvilluar në 90% të territorit të Shqipërisë. Tendenca aktuale drejt një rritjeje në numrin e sipërmarrësve dhe konkurrence midis kompanive ekzistuese paraqet një mundësi për “Tona Co” sh.p.k. që të vazhdojë të jetë faktor në tregun shqiptar. Struktura e prodhimit të kompanisë është:

  • Sallame dhe proshuta
  • Mish i paketuar
  • Konserva mishi
  • Produkte gjysëm të gatshme
  • Produkte brumi
  • Produkte djathi industrial
  • Produkte salcash të ndryshme
  • Produkte me bazë pule (kotoleta etj.)

misioni

Ne jemi të përkushtuar ti ofrojmë konsumatorit produkte me cilësi të lartë, të shijshme dhe me vlera ushqyese. Udhëhequr nga parimet tona, ne kembëngulim të vendosim standartet më të larta të cilësisë dhe të jemi punëdhënës model në industrinë tonë.

Misioni i kompanisë është ndjekja me kujdes dhe me detaje e higjenës në të gjitha proçeset e prodhimit që të ofrohet cilësi e lartë për të përmbushur kërkesat e të gjithë klientëve dhe grupeve të interesit. “Tona Co” sh.p.k. është një kompani që zotëron një teknologji moderne në industrinë e përpunimit të mishit në Shqipëri. Duke ndjekur hap pas hapi zhvillimet teknologjike ajo arrin të sigurojë prodhimin e produkteve cilësore.

për klientët tanë

Kompania jonë synon t’iu ofrojë klientëve të saj një garanci vlerash ushqimore. Ky parim e ka bërë këtë kompani të jetë lider i padiskutuar i tregut në prefekturën e Korçës.

“Tona Co” sh.p.k. është fleksibël dhe e përgjegjshme, për të kënaqur klientët duke u siguruar atyre atë që dëshirojnë, kur e dëshirojnë, siguron cilësi për klientë të ndryshëm. Kompania jonë vendos raporte korrekte me të gjitha grupet e interesit, siguron përmbushje nevojash, kënaqësi, seriozitet dhe imazh të mirë. Kjo është arritur me anë të zbatimit të standarteve të larta të kontrollit të cilësisë dhe risive teknologjike si dhe mbledhjes së profesionistëve të prodhimit dhe grupit të shitjeve.

Kompania ka për qëllim të sigurojë vlerën më të mirë për klientët e saj të cilët janë të interesuar për cilësinë e produktit me çmime të përballueshme dhe dëshiron që paratë e shpenzuara për produktet e saj të shpenzohen mirë. Prandaj, propozimi për vlerën e kompanisë është të shesë freskinë dhe kënaqësinë tek klientët e vet me çmime të arsyeshme.”Tona Co” gjithashtu zhvillon aktivitetin e prodhimit sipas standartit ISO 9001 dhe HACCAP, që produktet e saj të njihen dhe aprovohen në tregjet ndërkombëtare.